الخائن:هجر زوجته من اجل جارتها المثيرة

انا متزوج من سنتين وعندي مشكلة واحدة مفيش غيرها .. اولا وللعلم انا بموووووت في مراتي وشايفها جميلة وست بيت هايلة وكل حاجة تقريبا .. لكن فيه مشكلة جوايا او في دماغي .. مش عارف .. اني بعشق الستات بكل تفاصيلهم وحتي لو مش هعمل علاقة مع واحدة علي الاقل اجيب تفاصيل تفاصيلها بعيني طبعا .. بصراحة ولازم اعترف انا من الرجالة اللي بيقولوا عليهم يتدب في عينه رصاصة .. ومراتي ابتدت تاخد بالها في الاول طنشت عشان تتجنب المشاكل معايا لكن من فترة قصيرة الشقة اللي جنبنا للايجار وسكنت فيها ست لبنانيه في آخر الثلاثينات تقريبا وقمر بنت اللذينه ومعاها واحدة صاحبتها تقريبا بتفوت عليها من وقت للتاني وقمر برضه حاجة تغيظ انا اقدر استحمل ازاي كل الضغوط المغرية دي حد يقولي ؟ ..

عارف اني غلطان وعارف اني ما استاهلش زوجة بمواصفات زوجتي لانها خسارة فية لكن مش قادر امنع نفسي من البصبصة وخصوصا علي قمرين جيراني الباب في الباب .. ودلوقتي مراتي طبعا مش معقول هتروح للجارة تقولها اي كلمة لانها بكل بساطة مش غلطانة .. جوزها اللي غلطان فقررت تغضب وتقعد عند مامتها وبقالها دلوقتي حوالي ٣ اسابيع لا انا قادر اصالحها لاني مش قادر اواجهها ولا قادر علي بعدها لانها حبيبتي برضه .. وقلت اسلي وقت فراغي بالرغي مع الجيران الجدد براحتي فرصة مراتي مش موجودة وعزموني علي قهوة مرة في البيت وعلي حاجات حلوة هية عاملاها بايديها ..

المهم بقالي كذا يوم بروح للجارة الجديدة وانا في منتهي السعادة .. قلت لنفسي طيب ما اخد منها جرعة كبيرة بحيث اقطع معاها شوية لو مراتي جت واقدر من تاني اعتني بزوجتي زي اول الجواز .. لقيت الحل عقيم لاني لسة ما قطعطش معاها بشكل نهاءي .. طيب اتصرف ازاي دلوقتي .. لو سمحتي استاذة نيفين شوفيلي حل واشكرك

سيادتك مش عايز مني حل بالمنظر دة .. انت عايز مني ارسملك خطة لخداع زوجتك المسكينة ودة مش متاح الحقيقة .. اللي متاح هنا اننا نتكلم او نساعد انسان عنده مشكلة حقيقية او واقع في مصيبة لا قدر الله .. انما حضرتك انا شايفة ان الست والدتك دلعتك بزيادة وبالتالي لا بقيت تعرف يعني ايه مسؤولية ولا تعرف تعمل اعتبار لمشاعر حد .. فلو حد محتاج يتعاقب .. هنبدآ بوالدتك المصونة او والدك اللي سابك تلعب بين قلوب البشر كما لو كنت تملك قلوب البشر .. وبعد كدة يبدآ عقابك ..

ودلوقتي .. قدامك حلين بالبلدي كدة .. يا اما تقلع تماما عن عادات الصبيان والمراهقين دي وتكمل حياتك مع زوجة انت نفسك بتشهدلها .. او انك تكمل في طريق العصيان اللي انت حابه دة لكن اكيد هتخسر زوجة لا يمكن تعويضها .. والحل في ايديك وسهل لان الحكاية مش لعبة وانت شبطان فيها .. خلص الكلام

اقرا ايضا

• محتاج زوجة اخرى فورا
• العنتيل زوجته خدعته واقوى منه
• زوج مع ايقاف التنفيذ ذبحته امراة بسكين الطلاقالقراءة »
• صرخة زوجة:الحظر دمر علاقتى وزوجى
• عنتيل خان 20 فتاه وفضحهن على السوشيال ميديا
• رجل يبحث عن الحب واشياء اخرى
• صرخة امرأة جميلة:زوجى نزل من نظرى وبقى نونا
• لساقطة صاحبة القميص الروز فى النار حتما