شدد الإعلامي أحمد شوبير حارس مرمى الأهلي ومنتخب مصر السابق على أن إمام عاشور نجم الفريق الكروي الأول بالنادي الأهلي يستعد بشكل قوي لمباريات بطولة كأس السوبر المصري في الإمارات.
وقال أحمد شوبير: «الناس بتقول لي أنت يا عم شوبيرعمال تراهن على إمام عاشور، لأ أنا براهن على السلوك إمام عاشور لاعيب صغير مش كبير في السن يعني ومع القصة اللي اتنقل بيها للنادي الأهلي والأداء الرائع اللي قدمه في الموسم الأول والبطولات اللي حققها والنجاح الشديد كان فيه حالة من الزهو والفخر والفرح الشديد، والجماهير طلبت منه ما هو أكثر».
وأضاف شوبير: «إمام شغل نفسه بحاجات ما كان يجب أن يشغل نفسه بيها فشتت تركيزه شوية، لكن اللي أنا شايفه في التدريب إمام مركز بشكل كبير ونفس الأمر بالنسبة لكهربا».
واختتم شوبير: «اللاعيبة الجدد كلهم فرحانيين وبيستعدوا بقوة لبطولة السوبر المصري في الإمارات».
