ابراهيم سعيد:امام عاشور للبيع ولو الزمالك عايزه تانى ياخده عاجل

كتب احمد حموده: قال الإعلامي إبراهيم سعيد على عقوبة الأهلي التي أقرها على إمام عاشور، لاعب خط وسط الفريق الأول لكرة القدم بالقلعة الحمراء وتغريمه مليون جنيه بسبب مشادة مع محمد الشناوي، قائد الفريق.

وكان المدير الرياضي للنادي الأهلي محمد رمضان قد قرر توقيع غرامة مالية مليون جنيه على إمام عاشور بسبب المشادة التي نشبت بينه وبين محمد الشناوي، قائد الفريق لاعتراضه على عدم المشاركة في مباراة استاد أبيدجان الإيفواري.

وقال سعيد في تصريحات تليفزيونية عبر برنامجه المذاع على شاشة «النهار»: «غلطة الشاطر بـ10 وغلطة النجم بتكبر، في لعيبة كبيرة بتتعصب وبتعدي زي رضا سليم مثلا عشان هو مش نجم، وأنا دافعت عن إمام عاشور كتير والناس هاجمتني بسببه».

وأضاف: «موضوع عودتك في ملعب إمام عاشور، بينا وبينك الملعب أنت وشخصيتك وأدائك، يا ترجع أحسن من الأول أو هتتنسي، كلنا اتهاجمنا وكنا بنرجع أقوى من الأول».

وأكمل: «بتمنى إمام عاشور يقفل على نفسه ويشوف إيه الأخطاء اللي ارتكبها الفترة اللي فاتت ويصلحها، وسيبك من التيك توك وإنستجرام، والنجوم مش لازم تستغل السوشيال ميديا كل يوم، مفروض مرة كل بطولة أو عامل مباراة كويسة».

وواصل إبراهيم سعيد: «خلي الناس اللي تتكلم عن مستواك مش مجرد شو، إنت لعيب كورة، السوشيال ميديا حلوة جدًا بس مضرة، إنت لو مستغلتش الفترة دي في سنك ده هتبطل كورة بدري».

وزاد: «مستواك لا يؤهلك أنك تلعب منتخب مصر أو تلعب في الأهلي أساسي الفترة دي، عشان مستواك وحش، إنت في فترة مش عارف هتستغلها إمتى وواخد تقدير وقيمة كبيرة من حيث القيمة السوقية وغيرها».

وأتم إبراهيم سعيد تصريحاته قائلًا: «من الحاجات الغريبة اللي بشوفها أن إمام عاشور بيعمل مخطط عشان يروح نادي الزمالك، والله الزمالك لو عايزه يقدم عرض للنادي الأهلي وياخده، ياما لعيبة مشيت والأهلي متأثرش بيهم، اللعيبة هي اللي بتخسر والأهلي مبيخسرش