كشف حلمي طولان، نجم الزمالك السابق، عن نواقص الأهلي قبل بطولة كأس العالم للأندية 2025، للمنافسة في البطولة الأعرق في العالم من حيث الأندية، موجهًا رسالة صادمة لـ إمام عاشور نجم النادي الأهلي بشأن مستواه.
وقال حلمي طولان في تصريحات تليفزيونية عبر شاشة «إم بي سي مصر»: «اتمنى محمد هاني يلحق لأنه عنصر مهم جدًا في الجبهة اليمنى، وكمان لازم الأهلي يدعم بـ مدافع بدلًا من محمد عبدالمنعم».
وأضاف: «ومن وجهة نظري الأهلي محتاج ظهير أيسر على مستوى عالي جدًا، ومحتاج ديفندر يقوم بالجانب الدفاعي والهجومي بشكل جيد».
وأكمل طولان: «كمان الأهلي محتاج جناحين في ظل تراجع مستوى بيرسي تاو ورضا سليم، يعني يجيب تريزيجيه لو على سبيل الإعارة حتى في البطولة ويرجع تاني».
وواصل: «إمام عاشور هيبقى كويس لو ألتزم وراعى ربنا في أكل عيشه ورزقه، ويسيبه من الهلاوس اللي في دماغه دي، لأنه لعيب كبير جدًا لعيب هايل».
وقال طولان اؤيد رحيل بيرسي تاو وكمان يرحلب معه يوسف ايمن وعلى الاهلى اعادة رمضان صبحى لانه فى الاهلى سيكون شكلا اخر ولاغنى عنه والزمالك نفسه يضمه
اما عن ضم الاهلى زيزو قال طولان ان زيزو لن يفرق كتير مع الاهلى وهناك حسين الشحات فى افضل حالاته واعتقد ان الاهلى لم يفاوضه اساسا
