تحدث شريف حازم، لاعب النادي الأهلي السابق، على أنباء رحيل إمام عاشور لاعب المارد الأحمر، عن الفريق بسبب العروض المقدمه للاعب من الدوريات الخليجية.
وقال شريف حازم في تصريح تليفزيوني عبر برنامج اللعيب المذاع على «إم بي سي مصر»: «الأهلي مبيقفش على حد، ولكن الفترة دي يقف على إمام عاشور، لأنه له دور في فوز الأهلي بالدوري بنسبة تتعدى الـ70 % ، وهداف الدوري على الرغم أنه بيلعب صانع ألعاب أو لاعب وسط».
وأضاف: «النادي الأهلي أكبر من أي جد، ولكم إمام عاشور لو مش موجود السنادي الأهلي هيعاني من غيره».
وتابع: «مفيش حد يعوض إمام عاشور، حتى محمد علي بن رمضان، لإن عاشور عمل موسم استثنائي ومعتقدش أن في حد بيلعب بالمكان ده يقدر يقدم اللي قدمه».
وأوضح: «اتمنى إن إمام عاشور يبقى موجود في منتخب مصر لإن الفراعنة محتاجاه، وهو بيلعب في كل مراكز وسط الملعب تقريبًا».
واختتم لاعب الأهلي السابق: «مينفعش أحسن لعيب في الدوري المصري ميبقاش موجود في منتخب مصر، وهو مؤثر أكتر من أي حد دلوقتي في المنتخب في مركزه
