انتقد جوزيه بيسيرو، المدير الفني السابق لفريق الزمالك، مجلس إدارة القلعة البيضاء، بسبب عدم التوصل مع أحمد مصطفى زيزو، لاعب الفريق، لاتفاق نهائي بشأن التجديد.
وقال بيسيرو في تصريحات عبر قناة «أون سبورت»: «اتكلمت مع زيزو لما رجع التدريبات؟ احنا قعدنا مع بعض هو لاعب مهم وكبير للفريق».
وأضاف: «حاولنا الحفاظ عليه لكن الأمور لم تكن جيدة، قعدنا شهرين بنحاول في المشكلة، حتى في التدريبات حاولت اقعد أتكلم لكن في حد تاني كان بيحاول يتفاوض معاه».
وأكمل: «أنا شايف إن زيزو من أحسن اللاعيبة في العالم وفي مصر وهو أحسن لاعب في مصر، وشايف إنه إضافة كبيرة والمفروض كلاعب كبير ميواجهش المشاكل دي وميستاهلش من مجلس الإدارة كدة، وكان لازم يفتحوا معه باب التجديد وفق طلباته».
وتابع: «خروج زيزو من التشكيل مكنش قراري لكن قرار الإدارة، وكان عندهم وجهة نظر أكبر من مصلحة اللعب والفريق، إزاي أنا كمدرب مكونش عايز زيزو يلعب في الكونفدرالية، وكان في حاجات إدارية بتحصل مكنتش فاهمها لكن كنت بحترم الإدارة».
