شن الإعلامي أحمد شوبير حارس مرمى الأهلي ومنتخب مصر السابق هجوما على اتحاد الكرة بعد قرار إلغاء الهبوط والصورة الباهتة التي تظهر عليها مباريات الدوري المصري خلال الجولات الأخيرة بين الأندية التي تتنافس على الهروب من الهبوط.
وقال أحمد شوبير: «بمناسبة إلغاء الهبوط آفة الكرة في مصر إن إحنا لا نسير وفقا لسياسات ولكن بنمشي بالمزاج على حسب رغبة صاحب المحل وإحنا صاحب المحل واحد، ده عايز صعود وده عايز هبوط وده عايز يوسع القاعدة وده عايز يقلل القاعدة، وهو ده الكلام اللي دائما بنسمعه وقسما بالله لا يتغير».
وتابع شوبير: «ودائما أي كلام عبدالسلام وعليكوا السلام هي ماشية بالطريقة دي، ما هو أنت سنيت سنة حميدة لا هبوط لنادي شعبي وأنا قولت لهم إمبارح حطوا في اللايحة لما ينزل نادي شعبي نلغي الهبوط ولكن لو نادي استثماري مش مهم ينزل في ستين داهية؟».
وأوضح حارس الأهلي السابق: «فدي سنة حميدة ممنوع الشعبي وتيجي أخر الموسم أنت شعبي ولا استثماري ويقول لك فيه أيه؟ أنت أيه عايزه يبقى دوري شركات».
وأضاف شوبير: «أنت النهاردة خلاص قولت الأندية الشعبية ممنوع الاقتراب أو اللمس حلو طب أنت النهاردة عملت ده في الدوري الممتاز طيب في الدرجات الثانية السويس ينزل ليه ما هو نادي شعبي، أنا بتكلم على الفكر يا جماعة، وأنتوا شوفتوا الدوري إمبارح ولا عاد لمباريات الدوري أي لازمة ولعب بدون حماس، طيب استنى في القرار بتاع إلغاء الهبوط شوية لما الدوري يخلص عشان يبقى فيه شوية إثارة شوية ساسبنس
