قال حازم إمام، نجم نادي الزمالك السابق، ان صفقة محمود حسن تريزيجيه، لاعب الفريق الأول لكرة القدم بالنادي الأهلي هى الاغلى وتمنيت لو كان بالزمالك
وتابع: «تريزيجيه، على طول بيموت نفسه، بيلعب في أي مركز مبيعترضش، في الملعب مفيد جدًا، أنا بشوف إن ده من أحسن الحاجات اللي عاملها الأهلي هي عودة تريزيجيه لديه خبرات وابن من أبناء الأهلي».
وانتقل «تريزيجيه» إلى صفوف الأهلي في الميركاتو الصيفي قادمًا من فريق طرابزون سبور التركي.
وقال حازم إمام، في تصريحات عبر إذاعة «أون سبورت اف ام»: «أنا بحب تريزيجه جدًا، وهو من أفضل اللاعبين في مصر، أنا بتكلم عليه من وهو صغير كويس».
وأضاف: «أنا بشوف تريزيجيه من وهو صغير عنده حاجة كويسة، ولعيب كورة كويس ومركز في الملعب وفعلًا مخيبش ظني، الراجل ده عمره ما خيب ظنك فيه، ممكن يلعب وحش بس بيعمل إللي عليه».
وأضاف: «في فترة المنتخب، يوم مباراة الكونغو، كانت درجة حرارته 40 وصمم إنه يلعب ويشارك، وبعد ما خسرنا، قالي (احنا أسفين يا كابتن)».
