[custom_embed url="https://wp.me/p56SP7-10I"]
هدد إكرامي الشحات، نجم النادي الأهلي السابق، الإعلامي مهيب عبدالهادي بمغادرة برنامجه على الهواء مباشرة بسبب قميص الأهلي.
وقال إكرامي خلال تواجده في برنامج «اللعيب» الذي يقدمه مهيب عبدالهادي على إم بي سي مصر 1: «يا مهيب عشان نبقى متفقين من البداية، عايزني أكمل الحلقة ولا مش عايزني أكمل؟، رد عليا وخليك صريح».
فرد مهيب قائلا: «أنا مش فاهم يا كابتن بس طبعا عايزك تكمل الحلقة».
ثم رد إكرامي عليه قائلا: «تمام عايزني أكمل الحلقة اقلع الجاكت، عان تبقى أشيك وأكمل معاك الحلقة، ويبقى كلنا زي بعض بقميص الأهلي».
وقال مهيب بعد ذلك: «طيب هقلع الجاكت بس مش على الهواء»، لكن إكرامي أصر على رأيه بقيام مهيب بخلعه في الحال، واستجاب الأخير في النهاية لرغبة إكرامي وخلع الجاكت على الهواء مباشرة وظهر بقميص الأهلي فقط
