علق إبراهيم المنيسي، رئيس تحرير مجلة الأهلي، وأحد مقدمي برنامج «ملك وكتابة» المذاع على شاشة قناة النادي، على تصريحات أحمد سليمان عضو مجلس إدارة نادي الزمالك، بشأن ضعف مجلس إدارة النادي الأهلي برئاسة محمود الخطيب، مؤكدًا على أن كثرة النجوم ستؤثر على مستوى الفريق.
وكان أحمد سليمان قال في تصريح تليفزيونية: «قائمة الأهلي الحالية ممكن تكون خطر على الفريق لكثرة النجوم، لو المدير الفني شخصيته مش قوية ولا يتأثر بالدكة، زي ما حصل قبل كده مع لعيب في بطولة السوبر المصري وراح ليبيا دلوقتي (كهربا) حصل مشكلة».
وأضاف عضو مجلس الزمالك: «كل دي عوامل هتأثر في نجاح الفريق، وأنا أشك إن إدارة الأهلي الحالية (برئاسة محمود الخطيب) قوية، والأيام هتثبت».
ومن جانبه، قال إبراهيم المنيسي في فيديو بثه عبر قناته على موقع الفيديوهات الشهير «يوتيوب»: «أزمة كبيرة بيسعى ليها الزمالكاوية خلال الأيام اللي فاتت لتفجيرها داخل النادي الأهلي، ومش بيتكلموا من فراغ وبيتكلموا بمنهج وخطة هيشتغلوا عليها الموسم الجديد، وهي إزاي تضرب استقرار الأهلي من الداخل، وإزاي تحدث أزمة داخل غرفة الملابس، ودي مش مكايدة سوشيال ميديا ولا تريندات، دي الحقيقة».
وأضاف: «أحمد سليمان عضو مجلس إدارة نادي الزمالك وغيره من الزمالكاوية بيرددوا عبارات زي إن غرفة ملابس الأهلي هتبوظ، الأهلي مش هيستحمل زحمة النجوم، اللعيبة دي هتاكل في بعض ومش هيعرف يدير كمية النجوم دي».
وتابع رئيس تحرير الأهلي: «الحقيقة إن الأهلي في نظام وأي نجم مهما كانت أهميته ونجوميته مش هيطلع برا نظام الأهلي، والنادي بيقدملهم كل فرص النجاح والمجد، فمش هينفع خالص إن حد يفكر في مجد شخصي ويفضل نفسه على حساب الفرقه».
وأوضح: «الزمالكاوية هيحاولوا يشوهوا صورتك، ويخلقوا مشاكل جوه الفريق، وكل شوية هتسمع عن عرض للاعب من نجوم الفريق، ويبدأ يخلق زلزله داخل النادي»
