كشف وائل القباني، مدير الكرة بنادي الزمالك السابق، واقعة مثيرة بشأن عبدالله السعيد، صانع ألعاب الفريق الأول لكرة القدم بالقلعة البيضاء.
وقال وائل القباني، في تصريحات لبرنامج «الكابتن»، المذاع عبر فضائية «دي ام سي»: «عبدالله السعيد، كان ليه مشكلة خاصة، كان عامل إعلانات،فكان ليه فلوس حوالي 4 مليون جنيه، دي فلوس إعلانات».
وأضاف: «عبدالله السعيد، طلب الحصول على فلوس الإعلانات لأنه مخدهاش»، مضيفًا: «اتكلمنا مع الإدارة إن عبدالله، ليه فلوس إعلانات لازم ياخدها».
وتابع: «عبدالله السعيد، قالي (ياكابتن أن مش هقدر أتمرن)، وهو كان عنده مشكلة في ضهره وهو كان بيدوس على نفسه عشان يلعب».
وواصل: «عبدالله السعيد، كان اتفق مع لجنة التخطيط على التجديد وبعدها حصل خلاف في الأرقام، عبدالله قالي (خلاص يا كابتن مفيش مشكلة طالما محصلش نصيب في الاتفاق وعايزين يغيروه، أنا مش عايز اجدد لأن الاتفاق اتغير، مفيش مشكلة في التجديد بس أنا عايز ال4 مليون بتوع الإعلانات)»
وأردف: «عبدالله السعيد، قالي (أنا هتعالج لحد ما أخد فلوس )، قولتله(عشان خاطري ممكن تيجي تتمرن لواحدك وانت بتتعالج عشان الناس متفكرش في مشكلة)، قالي (تحت أمرك يا كابتن)”.
