حمل رضا عبدالعال، مساء اليوم الأحد، مجلس إدارة النادي الأهلي برئاسة محمود الخطيب، مسؤولية نتائج الفريق المتواضعة، منتقدًا صفقات الأحمر الأخيرة.
جدير بالذكر أن خسر النادي الأهلي مساء أمس السبت، أمام نظيره بيراميدز بهدفين دون مقابل، ضمن منافسات الجولة الخامسة، من مباريات الدوري المصري الممتاز موسم 2025-26.
رضا عبدالعال: إدارة الأهلي تتحمل مسؤولية النتائج.. والصفقات بغرض «خداع الناس»
قال رضا عبدالعال، في تصريحات خاصة لـ«المصري اليوم»: «مش جريمة أن الأهلي يخسر يعني، فرقة وحشة والناحية الثانية تركيز علشان كدة خسر، وانت جبت نجوم مش محتاجها».
وأضاف: «علشان الأهلي يرجع تاني رجع الحرس القديم، رجع البدلاء زي محمد مجدي أفشة وحسين الشحات وطاهر محمد طاهر، ما انت كنت بتكسب بيهم بدل اللي بيلعب وبيستعرض الفلوس اللي خدها».
وتابع: «مجلس الإدارة برئاسة محمود الخطيب هو المسؤول عن خسارة الأهلي أمام بيراميدز والفريق في كأس العالم للأندية معملش إنجاز ده مركز رابع في مجموعته، ريبيرو ملوش دعوة، هو مش مقتنع بالنجوم بس اتفرض عليه إنهم يلعبوا أساسي، اشرب بقى».
وأوضح: «مجلس محمود الخطيب اختار خوسيه ريبيرو علشان كسب الأهلي في بطولة أفريقيا مع أورلاندو بايرتس لازم تجيب مدرب محترم، موسيماني ساب الأهلي ومشي هات علي ماهر بس هل هيتفرض عليه برضو أسماء زي ريبيرو؟».
