وجه معتز إينو، لاعب الأهلي السابق، مساء اليوم الأحد، نصيحة لمجلس إدارة القلعة الحمراء برئاسة محمود الخطيب، بشأن مدرب الأهلي الجديد عقب رحيل الإسباني خوسيه ريبيرو بعد الهزيمة أمام بيراميدز ضمن منافسات بطولة الدوري المصري الممتاز موسم 2025-26.
جدير بالذكر أن خسر النادي الأهلي مساء أمس السبت، أمام منافسه بيراميدز بهدفين دون رد، ضمن منافسات الجولة الخامسة، من مباريات الدوري المصري الممتاز موسم 2025-26.
«الغالي عمل إيه».. إينو ينصح إدارة الخطيب بشأن مدرب الأهلي الجديد
قال معتز إينو، في تصريحات خاصة لـ«المصري اليوم»: «خوسيه ريبيرو لم يقدم أي أوراق، ولازم لاعبي الأهلي تكون قد المسؤولية شوية عن كدة، مش باسمك وتاريخك بس لكن لازم تهين نفسك شوية وتقدر الجماهير اللي معاك ولازم تفوق».
وأضاف: «مجلس الأهلي برئاسة محمود الخطيب مش هينزل يلعب، كان لازم مدرب أقوى من كدة، ريبيرو عنده مشاكل في التبديلات والتشكيل والتعامل ومعندوش رد فعل في الملعب، وبرود أعصاب غير طبيعي، مش مخلي اللاعيبة واثقة في نفسها، لازم تحسس اللاعب إنه نجم علشان يطلع أفضل ما عنده».
وتابع: «إبراهيم سعيد زمان مكنش بيتمرن بس التعامل النفسي الجيد معاه كان بيخليه أفضل لاعب في الملعب، ريبيرو مش ذكي ولا عارف يتعامل مع الناس ولا يحتوي حد ورد فعله ينقصه التوجيه».
بينما اختتم: «مفيش جملة واحدة شوفناها عدلة، ياريت نشوف عماد النحاس ايه المشكلة ونقف معاه وناجح وابن النادي الأهلي، ونوفر الدولارات وكل الفلوس دي، الغالي عمل ايه يعني، والمهم نختار كويس».
