شهدت الأيام الماضية الكثير من الجدل حول مصير أحمد عبدالقادر جناح الأهلي داخل القلعة الحمراء عقب عودته لتدريبات الفريق من جديد تحت قيادة المدير الفني عماد النحاس.
وكشف الإعلامي أحمد شوبير حارس مرمى الأهلي ومنتخب مصر السابق أن الأهلي لن يفتح ملف تجديد عبدالقادر حاليا وسينتظر لحين اتضاح الأمور بالنسبة لأداء ومردود اللاعب.
وقال أحمد شوبير في تصريحات إذاعية اليوم الأحد: «أنا قلت قبل كده أرفض رفضا باتا إن أحمد عبدالقادر لا يشارك في التدريبات حتى لو اتفق مع نادي تاني، وأول قرار عمله كابتن عماد النحاس مع وليد صلاح الدين إنهم قالوا له اتفضل انزل التدريب وورينا نفسك والعدالة بين الجميع، لذا أحمد عبدالقادر بقت قدامه فرصة يشارك من تاني مع الفريق والكرة الآن بين أقدامه».
وتابع أحمد شوبير: «طيب حد طلع قال الأهلي هيجدد له، مفيش حاجة من دي دلوقتي الأهلي قافل الملفات دي لحد ما يشوف شكله عامل إزاي ومردوده مع الفريق، والولد نفسه مش هيجدد إلا لو ضمن إنه هيلعب وهيشارك، إفرض جدد وملقاش لنفسه مكان».
وأضاف شوبير: «خلينا نكون أمناء مع نفسنا عبدالقادر الموضوع بقى في إيده إثبت نفسك، وأحمد عبدالقادر لعيب إمكانياته هائلة، بس هو يفضي دماغه شوية للكورة
