صفقة مقلب بالاهلى..ولاعب عالة على الفريق ورحيله فى مصلحة الزمالك رضا عبدالعال يكشف

فتح رضا عبدالعال نجم الزمالك السابق، النار على التونسي محمد على بن رمضان لاعب خط وسط النادي الأهلي، بعد أدائه أمام سيراميكا كليوباترا في الدوري المصري الممتاز.

ونجح الأهلي في استعادة ذاكرة الانتصارات بالفوز على نظيره سيراميكا بهدف دون رد، سجله محمود حسن تريزيجيه، في المباراة التي جمعت بين الفريقين لحساب منافسات الجولة السابعة من مسابقة دوري نايل.

وقال رضا عبدالعال في تصريحات عبر فيديو بثه على صفحته بموقع الفيديوهات «يوتيوب»: «محمد على بن رمضان إنتاجه كان ولا الهوى واللي كان عامل الخطورة والتقل هو بن شرقي».

أضاف: «بن رمضان مقلب والأهلي لم يستفيد منه لحد دلوقتي، ولازم يقعد ومعرفش لعب 90 دقيقة إزاي قدام سيراميكا».

وتابع: «الكابتن عماد النحاس بيحب ويكره لأنه كان لازم يتغير من أول الشوط الثاني، وهو من بعد المباريات اللي فاتت مكنش بدأ النهاردة، ولكن بيتفرض لازم ناس تلعب عافية وذوق، وزيزو لو موجود كان هيلعب عافية وذوق».

وأكمل: «أنا مش عارف السولية ده مشي إزاي ويجي بن رمضان اللي هو عالة على الفرقة».

وأتم: «المدرب اللي زي ده بياكل عيش متخدش منه رجاء، وطاهر محمد طاهر قدم مباراة كويسة».