أكد سيد عبدالحفيظ، مدير الكرة السابق بالنادي الأهلي، أن علاقته بـ محمود الخطيب، رئيس النادي، تقوم على الاحترام المتبادل، مشيرًا إلى أن الخلاف الذي حدث بينهما لم يكن سوى اختلاف في وجهات النظر.
وقال عبدالحفيظ في تصريحات تلفزيونية ردًا على سؤال الإعلامي إبراهيم فايق عن الفارق بين لقائه اليوم مع الخطيب ولقاءاته السابقة: «كأني خرجت امبارح، أنا جزء من حل المشكلة مش سبب مشكلة في أي وقت، وده المفروض يكون كل أبناء الأهلي».
وأضاف: «الأهلي هو نادينا، كلنا استفدنا منه على مستوى الأسرة والأبناء والتعليم والحياة الاجتماعية، وربنا جعله سبب في الخير اللي إحنا فيه، سواء كنت موجود أو مش موجود، هافضل سيد بتاع النادي الأهلي. النادي يستاهل مننا شغل كبير، وهو دايماً بيرد الجميل».
وشدد عبدالحفيظ على أن الخطيب بمثابة الأخ الأكبر بالنسبة له، قائلاً: «الكابتن محمود الخطيب هو أول من رشحني لمنصب مدير الكرة، فمش منطقي جزء صغير يبوظ الحاجات الكبيرة الحلوة اللي بينا».
وتابع: «أنا بتعامل مع الأهلي كأنه بيتي، والموضوع بالنسبة لي مش شخصي وإنما مصلحة المكان. اللي بيحب مكان لازم يخدمه في أي وضع. الاختلاف طبيعي، لكن لازم يكون في الإطار اللي اتربينا عليه. عمري ما ذمّيت شخص كنت على خلاف معاه، وظني بالناس دايمًا خير».
واختتم: «أنا بشيل المعروف ومش بنسى الجميل، وخلافي مع الكابتن الخطيب كان مجرد رؤية في وقت معين، لكنه سيبقى دائماً أخاً أكبر لي، ولن أنسى أبداً أنه هو من وضعني في منصب مدير الكرة بالنادي الأهلي».
