علق الإعلامي أحمد شوبير حارس مرمى الأهلي ومنتخب مصر السابق على الأزمة المشتعلة في الزمالك بسبب لاعب الفريق الشاب محمد السيد.
وقال أحمد شوبير في تصريحات إذاعية اليوم الأحد: «هو الزمالك تفاوض ولا لم يتفاوض..؟ والزمالك عنده أزمة مالية طاحنة طيب هيدفع منين يا جماعة والولد لاعيب كويس جدا وهايل، طيب هل الأهلي بيفاوضه؟ جايز، هل بيراميدز بيفاوضه؟ جايز، هل أندية آخرى عنها مقدرة مالية بتتفاوض معه؟ جايز برضه».
وأوضح شوبير: «هو في النهاية يا جماعة محمد السيد بيقول لك يا زمالك أديني عرض، والولد عنده عروض احتراف، والولد بيقول لك اقعدوا معايا واتكلموا معايا، فحالة هجوم على المدرب فيريرا وعلى جون إدوارد غريبة بسبب الولد».
وتابع شوبير: «طيب لو محمد السيد مجددش هتمشيه ولا هتجمده ولا هتعمل أيه..؟ وهتخش في خناقة مع الجمهور ولا هتعمل أيه والكل دلوقتي بيترعب من الجمهور».
وأضاف شوبير: «وبعدين أنت (كجمهور الزمالك) شوفت محمد السيد في كام مباراة مع الزمالك السنة دي، فمنين بتطالب الناس تساند الزمالك وأنت بتهاجم الإدارة وأنا رأيي الزمالك عمره ما هيقف على لاعب فمش عارف الناس مصعد الأمور ليه كده
