ابو المعاطى زكى الفشل الادارى يعمل اكتر من كدا .. والمهاجم الواعد مضى خلاص .. والمدافع الدولى خارج اهتمامات الاهلى

البحث عن شماعة هكذا يرى ابو المعطى زكى ما يفعلة الزمالك فى قضية زيزو وعدم السلام على نائب رئيس النادى .. النادى ساب النكسة ومسك فى الفرعيات .. مش مهم تحل الاساسيات .. الكسور فى اللاعبين وغياب المدرب الذى يستحقه الزمالك .. كل ده مش مهم ..المهم ان زيزو يتعاقب..

    طبعا كل الاهلوية فرحنين بالفكر ده لانهم ناس مش عايزة تطور وبالتالى مفيش خطر على الاهلى من المنافسة .. مع العلم ان الفريق الوحيد القادر على مواجهة الاهلى على ارض الواقع الزمالك مش اى حد تانى..

  طبعا التصرفات دى هدفها ارضاء الجماهير وبس .. علشان ينسوا الحلول الحقيقية ومشاكل الفريق .. الضحية الوحيدة فى ذلك هو الزمالك لا احد غيره. 

 طبعا الفشل فى الصفقات وتدبير موارد ماليه واستثمارات وغيره بيدفعهم لذلك..  وممكن نقول انهم نجحوا مع جمهور الزمالك الطيب.. 

عموما لازم نعرف ان مفيش عقوبات لان الائحة لا تنص على اى عقوبات لعدم مصافحة المسأولين.. 

نروح للاهلى ديانج عنده عقود باثنين ونص وثلاثة ملايين دولار فى مصر وبرا مصر .. الاهلى عرض مليون ونص مليون دولار. 

اما المهاجم الواعد اسامة فيصل فمضى للاهلى اربعة سنوات ونص والعقود مع وكيله لكن بيرميدز قدم عرض تقريبا ضعف ال قدمة الاهلى الـ هيدفع فى السنة الاولى 14 مليون وبيراميدز عارض 25 مليون هنشوف الدنيا تروح لفين.  

حتى حسام عبد المجيد فى المزاد الزمالك عايز 5 مليون دولار لانه خايف يرجع الاهلى والوكيل قالوا انه مش هيقدر يجيب اكثر من 2الى 3 مليون دولار فى الخليج وان اللاعب التانى ال ممكن الزملك يستفيد من بيعه هو خوان الفينا بزيرا ممكن يجيب من اربعة الى خمسة مليون دولار ..

حسين تردد خوفا من جماهير الزمالك وطالب الوكيل باحضار عقد لحسام عبد المجيد بثلاث ملايين دولار مع وضع اعادة بيع تصل لـ 15% الوكيل طلب منه الانتظار لان الموضوع محتاج مجهود لتسويقة.