كشف محمود حسن «تريزيجيه»، نجم الفريق الأول لكرة القدم بالنادى الأهلى، عن شعوره وقت تسديد ركلة الجزاء فى مباراة الزمالك فى بطولة الدورى، والتى انتهت بفوز الفريق الأحمر بهدفين مقابل هدف.
وقال تريزيجيه، فى تصريحات تلفزيونية عبر فضائية «إم بى سى مصر2»: «ضربة الجزاء فى مباراة الزمالك، كانت تحدى كبير، من واحنا صغيرين فى الأهلى بنتعلم تحمل الضغوطات، أنا غلطت قبل كده وسددت ضربة جزاء مش فى دورى، لكن فى مباراة الزمالك كان دوري».
وأضاف: «بعض اللاعبين كانوا عايزين يشيلوا من عنى الضغوطات بعدم تسديدى لضربة الجزاء، لكن أنا اتخلقت عشان أعيش فى ضغط، مش فارق معايا الضغوطات، دى حاجات باخدها إيجابية لأننا اتعلمنا كده فى النادى الأهلي».
وتابع: « عندما ذهبت لتسديد ضربة الجزاء، بن شرقى قالى (الله يعينك يا أخويا)ـ أنا داخل أسدد ومعنديش شك إنها هتضيع كان فيها توفيق كبير من ربنا».
واصل: «لو متحملتش الضغط ده مستحقش أبقى موجود فى الأهلى، الأهلى أحسن نادى فى العالم بالنسبالي»، مضيفًا: «أى إخفاق بيحصل مع الأهلى مش بنام.. لما يحصل تعادل أو خسارة، ببقى مستنى الماتش اللى بعده وعايزه يجى بسرعة عشان أفرح جمهور الاهلى، جماهير الأهلى كبيرة لن ترضى إلا بالمكسب».
