أشاد الإعلامي أحمد شوبير بالمهاجم الفلسطيني وسام أبو علي، لاعب الأهلي السابق، مؤكدًا أنه من اللاعبين القلائل الذين يصعب التفريط فيهم، مشيرًا إلى أن علاقته بالنادي لا تزال قوية رغم رحيله.
قال شوبير أهلا وسهلا بوسام أبو علي.. ده ميتسبش»، في إشارة إلى القيمة الفنية.
وأضاف شوبير: «وسام أبو علي مش بينسى، مع عودة إمام عاشور، نزل صورة ليه على إنستجرام وكتب له أهلا بعودتك يا ولدي، دي رسالة كبيرة من وسام، فيها وفاء كبير، وبتقول إن العِشرة ما بتهونش عليه».
وسام على العين والرأس
وتابع: «تحس إن وسام بيحن للأهلي، وكأنه بيقول لو الدنيا عندي ظلمت أو حصل حاجة، أنا راجع ليكم، هلا وسهلا ومرحبا يا وسام، لو عايز ترجع، ده مليون مرحب، ده على العين والرأس».
شوبير لم يخفِ إعجابه بقدرات وسام أبو علي، مؤكدًا أنه من اللاعبين الذين يصعب تعويضهم: «ده لعيب قليل أوي يتساب، هتقولي ما هو ساب الأهلي وباع، باع إيه يا عم، ده أنت واخد 7.5 مليون دولار».
