علق الإعلامي عمرو أديب، على خسارة فريق بيراميدز أمام البنك الأهلي، وتعادل الزمالك أمام نظيره سيراميكا كليوباترا، وانفراد النادي الأهلي بصدارة جدول الدوري الممتاز
وقال أديب، مقدم برنامج «الحكاية»، عبر قناة «إم بي سي مصر»، إنه كان مخطئًا عندما اعتقد أن الأهلي غير جدير بالدوري المصري، متابعًا: «الأهلي خد الدوري خلاص من غير ما نشغل بالنا بموضوع خصم الـ3 نقاط».
وأضاف: «الأهلي مش بيقع، الزمالك وبيراميدز هما اللي بيقعوا، دي فرق غير جديرة بالبطولة، والأهلي هو الجدير وعنده روح البطولة».
وتابع: «مبروك للنادي للنادي الأهلي.. الأهلي لما يركب الدوري مش بينزل.. يا ابني يا حبيبي انزل شوية عشان أخوك يركب، مش بينزل».
وأكمل أديب: «قدرنا نشجع فريق الثاني أو الثالث أو الرابع أو الخاسر… وبيراميدز لا يستحق شيء، البنك الأهلي أجدع بنك فيكي يا مصر وهفتح حساب بالدولار والريال في كل فروعه».
واستطرد: «إحنا موجود عشان نلعب الماتشات والأهلي ياخد الدوري، إحنا مش مظلومين، إحنا ظالمين، فين اللاعيبة وفين مجلس الإدارة، أنا صعبان عليا ناصر منسي ودوه الأهلي يشوف مستقبله.. أنا بقالي 10 سنين ببارك للأهلي بس».
وتابع ساخرًا: «بكره الصبح هاطلع على أي طيارة طالعة كندا وأعيش في كندا وأموت في كندا… وعلى الله حد يتصل بيه يقول الأهلي خد الدوري أنا مهاجر كندا وهعمل إجراءات الهجرة وأنا هناك عيشوا انتوا مع بعض
