نجم الاهلى صعبان على..مدحت شلبى والله كهربا رفض يسمع كلامى ودى النتيجة

هاجم الإعلامي مدحت شلبي، نجم الاهلى كهربا، وذلك بسبب عدم دفع اللاعب باقي الغرامة المستحقة لنادي الزمالك والتى وصلت الى القضاء مرة اخرى 

وقال مدحت شلبي،ان كهربا له كل الاحترام، هو كان متصور في وقت من الأوقات إن أنا ضده بالعكس إطلاقًا أنا مش ضد أي حد، الجميع بدون استثناء في القلب والله، مفيش بيني وبين حد أي حاجة على الإطلاق 

وأضاف:  كهربا، تصور إن أنا ضده وطلع في كذا برنامج وقال (الوحيد اللي عمري ما هطلع معاه هو مدحت شلبي ، أنا عمري ما أزعل من الكلام ده هو زي ابني أو أخويا الصغير 

واكد شلبى ان المشكلة في كهربا، أنه دفع 70 مليون جنيه لنادي الزمالك، ويتبقى 7 مليون جنيه، النادي الأهلي أعطى له عقده مقدمًا لمساعدته في سداد الغرامة، بالإضافة إلى بعض رجال الأعمال ، مضيفًا:  النادي الأهلي رفض مساعدته في الإرامة، لأنه أمر غير قانوني، الزمالك حصل على شيك من كهربا، بقيمة 7 مليون من شهر إبريل الماضي، الشيك لم يحصل حتى الأن، ربما كهربا، مش معاه مبلغ يغطي الشيك، بالتالي تقدم الزمالك ببلاغ ضد اللاعب 

وتابع مدحت شلبى في تصريحات ببرنامج  يا مساء الأنوار ، المذاع عبر فضائية  إم بي سي مصر أنا نصحت كهربا، مرة واتنين وتلاتة لأنه لاعب مميز، لكن كهربا معرفش يحافظ كويس على موهبته، ربما المحيطين به محطهوش على التراك، أنا حاولت أحطه على التراك لكن الموضوع مكنش سهل