رسالة درجة حرارتها 999 الى كهربا بشكل عاجل
كتب محمد عبدالوهاب:وجه إبراهيم سعيد نجم الأهلي السابق، رسالة هامة درجة حرارتها 999 للاعب االاهلى محمود كهربا، قبل مواجهة الاتحاد السكندري، المقرر أن تُلعب اليوم الجمعة ضمن منافسات الدوري المصري.
وقال إبراهيم سعيد في تصريحات تلفزيونية عبر فضائية «النهار»:«حابب اتكلم وأوجه رسالة لكهربا، خاصة بعد الجلسة اللي تمت بين كولر وكهربا والمدرب السويسري وعده فيها بإنه هيمنحه المشاركة أمام الاتحاد السكندري وخلال الفترة القادمة».
وتابع:«أنا دايما بتكلم عن كهربا لأنه من اللاعيبة المؤثرة وجلوس كولر معاه حاجة تُحسبله لأن بعد غياب وسام أبوعلى هو أكيد محتاج كهربا في الملعب».
وواصل:«مين بقا دلوقت المفروض يمسك في الفرصة، من الأخر دلوقت الكورة في ملعب كهربا أنا بتكلم بكل صراحة».
وأستكمل:«يا كهربا يكمل مشواره مع الأهلي ويقدم مردود جيد قدام جماهير الأهلي ويرجع ثقة الناس كلها فيه، لأن موهبة زي كهربا حرام ميلعبش أساسي».
وتابع: «أن شايف أن كهربا في التوقيت ده لأزم يشارك أساسي لأنه استحمل كل الأزمات عشان خاطر الأهلي، بس ينقص حاليا كهربا أن يمسك في الفرصة ووقتها محدش ليه حجة ضد كهربا».
وواصل: «لو عملت اللي عليك في الملعب وقدمت المردود المنتظر منك كلاعب كبير وموهوب لأزم هيكون ليك دور مع الأساسين حتي لو عاد وسام أبوعلى من الإصابة».
وتابع: «لأن أي مدير فني لو شاف أن أنت بتقدم كل اللي عليك هو بنفسه هيخلقك ليك مكان يضيفك فيه داخل الملعب عشان تكون أساسي».
وأتم:«أنا مش عايز أشوف كهربا بتاع المشاكل، أنا عايز عايز أشوف كهربا المجتهد في التمرين وصاحب الشخصية القوية داخل الملعب».
