نجم الاهلى يشعل الصراع..عمرو اديب يطالب ببيعه ومدرب المنتخب يؤكد فوز الاهلى باهم لاعب بافريقيا ونجم الاهلى منتهى الصلاحية بفرمان عاجل
كتب احمد حموده:وجه محمود فايز المدرب العام لمنتخب مصر الأسبق، رسالة دعم لـ إمام عاشور لاعب خط وسط الأهلي بعد الأزمة الأخيرة.
وكان محمد رمضان المدير الرياضي، قد غرم عاشور مليون جنيه بعدما اعترض على مشاركته أمام استاد أبيدجان إلى جانب الدخول في مشادة مع قائد الفريق محمد الشناوي.
وكتب فايز على حسابه بموقع التواصل الاجتماعي فيسبوك: «أنا مازلت أصر أن إمام عاشور فنيا هو النسخة الأقرب لكيفين دي بروين في أفريقيا كلها ومن المفترض مكانه في أكبر الأنديه في أوروبا.. فخرك وحبك للأهلي مفيش فيه جدال واعتذارك لزمايلك حاجه محموده».
اقرا ايضا
وواصل: «كابتن الخطيب بنفسه قال لك متخسرش جمهور الزمالك لأن النهاردة الغلط مالوش علاقه بأي (حته تانيه)… ووالله ما هتزود منك… على العكس خالص هتقلل منك وتاخد من تركيزك».
ومن جانبه طالب الإعلامي عمرو أديب على أزمة إمام عاشور لاعب النادي الأهلي الأخيرة، بعد تغريمه مبلغ مليون جنيه، من قبل إدارة القلعة الحمراء، على إثر مشادة مع قائد الفريق محمد الشناوي.
وقال أديب، في تعليق ببرنامجه «الحكاية» عبر قناة «MBC MASR»، مساء الجمعة، إن إمام عاشور كان محور العديد من المشكلات خلال الفترة الأخيرة، بداية من قضية المول الشهيرة، إلى مشادة محمد الشناوي، وغيرها الكثير.
وأضاف أن ما يفعله إمام عاشور خلال الفترة الأخيرة يستوجب عرضه للبيع من قبل إدارة النادي فورًا، مشيرًا إلى خطأ النادي الأهلي من البداية هو التفكير بشكل برجماتي والتعاقد مع «عاشور»، والذي سب من قبل رئيس النادي التاريخي صالح سليم.
وتابع: «مليون جنيه إيه، ووقف عن المباريات إيه، مبادئ النادي الأهلي، إحنا قعدنا عمرنا كله بيكلمونا عن مبادئ النادي الأهلي، ده يتعرض للبيع على طول».
وأوضح: «الشناوي ده الكابتن! إمام عاشور مش همه حد، ومكنش هيدوس أوي كده إلا إذا كان عارف إن محدش هيعمله حاجة، والنادي محتاج له. نجوم كبار قعدوا على الدكة زي السولية، ومحمد الشناوي قعد دكة لمصطفى شوبير، إيه المشكلة إنه يقعد احتياطي!».
وأكمل «أديب»: «اعرضوا إمام عاشور للبيع، ولا انتوا مستعدين يكمل ويعمل اللي هو عايزه، الأهلي بقى دلوقتي بيبقى المصلحة على المبادئ، عندي أي حد يعمل أي حاجة بس يدفع، والله يعلم بيدفع ولا مبيدفعش!».
ومن جانبه كشف إبراهيم سعيد، نجم الأهلي ومنتخب مصر السابق، رسائل نارية إلى إمام عاشور، لاعب خط وسط الفريق الأول لكرة القدم بالنادي الأهلي..
كان إمام عاشور، كتب عبر الاستوري الخاص به على إنستجرام: «أولًا كل الاحترام والتقدير لزمايلي ولكل منظومة الفريق من الكبير للصغير، وأنا بعتذر عن أي خطأ زعل حد مني، ومتقبل للعقوبة وده شيء طبيعي. لأن الفرق كبير أوي بين هنا وأي حتة تانية، للأسف فاكرين بالفبركة على السوشيال والتصريحات الكذب على لسان أخويا ممكن يأثروا على علاقتي بالأهلي وجمهوره.. ده مش هيحصل. أنا فخور بالأهلي وممتن جدًّا بدعم ومساندة جمهور الأهلي أعظم جمهور في الكون، وبإذن الله طموحاتي وأحلامي هتتحقق هنا في الأهلي».
وقال إبراهيم سعيد، في تصريحات تلفزيونية عبر فضائية «النهار»: «انت جاي تعتذر بعد ما الكل بقى ضدك، الكل فرمك جمهور وإعلام وصحافة».
