سر اكرم انكشف..مفاجأة وراء عدم تجديد اكرم توفيق عقده مع الاهلى
تحدث سيد عبدالحفيظ مدير الكرة السابق في النادي الأهلي، عن ملف التجديد مع أكرم توفيق لاعب المارد الأحمر، وسبب تأخير تمديد عقد اللاعب حتى الآن.
وقال سيد عبدالحفيظ، في تصريحات تليفزيونية عبر شاشة «إم بي سي مصر 2»: «ملف التجديد بيبقى حالة بحالة، يعني ممكن أكون شاري حد جدًا وهو مش شاريني، والأندية الكبيرة بتحاول تحافظ على لعيبتها الكبيرة، بل وتضيف تدعيمات قوية عليهم».
وأضاف: «الأهلي عايز يزود صفقات مش يقلل، ومش عارف تفاصيل التفاوض مع أكرم توفيق ولكن الجمهور عايز صفقات وتدعيمات قوية جدًا، ممكن يكون الأهلي عرض رقم واللاعب مش موافق هعمل أية؟».
وأكمل مدير الكرة السابق بالنادي الأهلي: «الأهلي حقق مكاسب كبيرة الخمس سنوات الأخيرة وليست مقتصرة على البطولات المحلية بل بالعكس بطولات إفريقيا، وده كان ليه مردود مالي عالي جدًا».
وأتم سيد عبدالحفيظ تصريحاته قائلًا: «أكرم لعيب كويس ومؤثر وراجل، في كل مبارياته، ولكن معرفش طلباته أية، وردوده عاملة إزاي».
