سيد عبدالحفيظ يكشف مفاجأة بشان بغداد بونجاح ورحيل وسام ابوعلى وعودة نجم الاهلى السابق
كشف سيد عبدالحفيظ، مدير الكرة بالنادي الأهلي السابق، سر مواجهاته مع مرتضى منصور، رئيس مجلس إدارة نادي الزمالك الأسبق.
«السكوت مش من دهب».. سيد عبدالحفيظ يكشف سر مواجهاته مع مرتضى منصور
قال سيد عبدالحفيظ في تصريحات تلفزيونية: «هقول الحقيقة إللي جوايا والله، دلوقتي هو خارج المشهد خالص، وأنا قولت قبل كدة ومش بغير كلامي كتير، علشان بيكون عن قناعة».
وأضاف: «ومش بنسى حاجة حد قالها، وأنا دلوقتي مش بتكلم عليه خالص، لإن ده مش من الذوق ولا الأدب، لكن زمان كان علشان حاجة معينة، الأهلي كان بيحافظ على حاجة، ومكنش بيتخانق مع حد».
وتابع: «الأهلي كان بيحافظ على هوية تاريخية، وكل الجماهير هتقولك ده النطاق الصح، يعني في أوقات السكوت من من دهب خالص، علشان كدة انت بتيجي على هيبة النادي الأهلي».
وأكمل سيد عبدالحفيظ: «كان عندي قناعة في وقت الاختلافات مهم أوي إنك تجيب الشخص ملعبك انت ومتروحش ملعبه، هو صوته عالي، وأنا مكنتش عاوز أزعل حد خالص، أنا كنت بدافع عن مبدأ النادي الأهلي
وكشف سيد عبدالحفيظ، عن السر التاريخي في عدم تجديد الأهلي مع لاعبه السابق عبدالله السعيد، نجم نادي الزمالك الحالي.
وقال سيد عبدالحفيظ من الحاجات اللي مخلتناش نجدد مع عبدالله السعيد في الأهلي، أن كان في 3 لاعبين أخرين معاه منهم وليد سليمان ومضوا على بياض ولكن قالوا كلنا زي بعض».
وأضاف: «عبدالله السعيد شخصية هايلة ومحترم وعارف إمكانياته وقدراته وبيشتغل كويس عشان كدة مكمل لحد دلوقتي ومؤثر».
واشار عبدالحفيظ حديقه قائلًا: «إزاي مثلا أدي عبدالله السعيد 15 مليون، وأروح أدي الـ3 الباقيين 7 أو 8 مليون فقط مثلا، فكان إلزامًا عليا كإدارة إني التزم بكلمتي للعيبة دي»
تحدث نجم النادي الأهلي السابق، على احتياجات الأهلي من صفقات في فترة الانتقالات الشتوية، للمنافسة في البطولات المحلية والقارية التي يشارك بها.
وقال عبدالحفيظ ان موضوع الصفقات مهم جدًا وشائك ولازم يكون فيه تطوير وخصوصًا في النادي الأهلي، وخاصة اللاعبين الأجانب، أنا بشوف الأهلي محتاج طرفين هجوميين ولاعب مع وسام أبو علي في الهجوم».
وأضاف: «بغداد بونجاح لاعب مميز جدًا هو عنده 33 سنة ولكن مردوده في السنوات الأخيرة كبير جدًا، ولكن لو جيه الأهلي هل هيلعب مكان وسام أبو علي وهو في أحسن حالاته؟»
وأكمل: «الأفضل أن بغداد بونجاح يجي في يناير مش في فترة كأس العالم للأندية، لأنه لو جيه في المونديال هيبقى مردوده وحش نفسيًا لـ وسام».
وشدد سيد عبدالحفيظ تصريحاته قائلًا: «وسام أبو علي مقدم مردود كبير جدًا يفوق التوقعات، أداء بشخصية بأرقام بتواجد بتفاعل، ده حته في ضربات الجزاء في السوبر اللي فاتت لاعب مميز جدًا».
تحدث سيد عبدالحفيظ ، عن سبب خسارة الأهلي أمام شباب بلوزداد في المباراة التي جمعتهما مساء الجمعة في دوري أبطال إفريقيا، وسبب تراجع مستوى المارد الأحمر في هذا الموسم.
وقال سيد عبدالحفيظ ان تحليلي إن سبب تراجع مستوى الأهلي، هو بشكل بسيط المؤشرات تؤدي إلى نتائج، التدعيم مكنش على المستوى المطلوب، خرج ناس من الفريق على مستوى الشخصي والفني في فترة صغيرة جدًا والمقابل مكنش في نفس المستوى».
وأضاف: «في خط الوسط خرج حمدي فتحي وأليو ديانج في وسط الملعب، والجانب الأمامي طلع أحمد عبدالقادر ومحمد شريف، وربنا رزقك بـ وسام أبو علي، فـ ده يعتبر امتحان شهري، وعند فكرة تذاكر كويس في يناير الجاري وجلب صفقات قوية عشان تنجح في الامتحانات النهائية (الفاينال)».
وأكمل: «لو محصلش الكلام ده، أنت بتلعب لعبة قمار يا جت يا مجتش، واللي بيحصل في الدوري ممكن تقدر تنافس، أما على المستوى الإفريقي عمر شباب بلوزداد مسجل قدامك هدف وكسب خارج الديار».
وأشار إلى أن كولر يتحمل المسؤولية بشكل كبير، لأن اللاعبين مش بيخرجوا إعارة أو للبيع دون أخذ رأيه، ودايمًا بقول إن معاقبة اللعيب بتكون بلعيب زيه يخاف ياخد مكانه.
