مفاجأة الاهلى لكولر وبيرسي تاو وكهربا
كشف الإعلامي أحمد شوبير حارس الأهلي ومنتخب مصر السابق، حقيقة ما يتردد في الأيام القليلة الماضية حول رحيل السويسري مارسيل كولر عن تدريب الفريق الكروي بالنادي الأهلي.
ويشهد الأهلي في الفترة الماضية حالة من التراجع الملحوظ في النتائج وخسر أمام شباب بلوزداد الجزائري بهدف للا شيء لتشتعل مجموعته في دوري أبطال أفريقيا.
وقال أحمد شوبير: «اللي بيدور داخل النادي الأهلي بكل وضوح محدش هيقرب من كولر خالص مفيش حاجة دلوقتي اسمها يمشي هما عندهم ثقة كبيرة في الراجل وفي إنه قادر على العودة من جديد للنتائج الجيدة».
وتابع شوبير: «ولكن هيبقى فيه كلام كتير جدا مع كولر في اليومين الجايين من قبل كابتن الخطيب، خاصة في الأمور الفنية في مباراة بلوزداد الأخيرة، يعني ليه لعبت كريم الدبيس جناح أيمن وفيه عندك بيرسي تاو».
وأضاف شوبير: «الخطيب هيجيب مستر كولر وهيبقى فيه كلام كتير معاه يعني برضه ليه لعبت خالد عبدالفتاح باك يمين وفين مروان عطية وما علمته إن رجليه كانت واجعاه شويه ولذا فضل الجهاز الفني عدم المخاطرة به، كمان حتة مشاركة كهربا وبيرسي تاو في الوقت الضائع هيعملوا إيه».
