المؤامرة انكشفت على كهربا وشوبير يكشف عن مصير امام عاشور
دافع الإعلامي أحمد شوبير عن محمود عبدالمنعم كهربا بعد خروجه من قائمة الفريق الكروي الأول بالنادي الأهلي المسافرة إلى كوت ديفوار لمواجهة فريق استاد أبيدجان.
ويستعد الأهلي لمواجهة فريق استاد أبيدجان ضمن الجولة الخامسة من مباريات دور المجموعات في بطولة دوري أبطال أفريقيا في المباراة المقررة بين الفريقين يوم السبت المقبل.
وأعلن السويسري مارسيل كولر المدير الفني لفريق الكرة الأول بالنادي الأهلي اليوم قائمة الأهلي للمباراة وشهدت استبعاد محمود كهربا رغم عدم معاناته من أي إصابة ورغم الغيابات الكثيرة في صفوف الأهلي.
وقال أحمد شوبير عبر برنامج حارس الأهلي: «النهارده كهربا مش في قائمة الأهلي مش مسافر، الراجل عنده عرضين ودماغه مشغولة فكولر فضل يستبعده رغم الاحتياج ليه، لكنه سابه عشان يكون موجود هنا وتبقى دماغه رايقة ويشوف الدنيا فيها إيه، وإيه العرض الأفضل له».
وأضاف شوبير: «زي ما خرج كهربا إعارة قبل كده لفريق هاتاي سبور التركي وبعد ما رجع كان في حالة فنية رائعة وتألق مع الأهلي ورجع ما شاء الله لكن بفعل فاعل بفعل فاعل، وبقول أهو بفعل فاعل مرة ثالثة وقّفوا مسيرة كهربا
دافع الإعلامي أحمد شوبير حارس مرمى الأهلي ومنتخب مصر السابق عن إمام عاشور لاعب وسط الفريق الكروي الأول بالنادي الأهلي مشددا على أنه يعيش حالة فنية رائعة في الفترة الحالية، ووجه التيحة لجماهير الأهلي بعد مساندته في الساعات الماضية.
وقام إمام عاشور باحتفال مبتكر على الملاعب المصرية عقب هدفه في مرمى سموحة بعدما أخرج من الشنكار بالونة بيضاء وقام بنفخها ثم فرقعتها تحت قدمه.
وقال أحمد شوبير: «مبسوط جدًا بالموقف الجميل من مساندة إمام عاشور بعد ما البعض بدأ يعمل حملة عليه وقسما بالله ما عارف سببها أيه، دي بقت اشهر بلونة في العالم ده الراجل اللي باع البلونة دي لإمام عاشور لو أعلن إن هو اللي باع البلونة دي كان زمانه بقى مليونير في الـ 24 ساعة اللي قاتوا».
احتفال إمام عاشور بالبالونة البيضاء بعد إحرازه الهدف الثاني لفريق الأهلي أمام سموحة في الدوري الممتاز
وأضاف شوبير: «لا يا جماعة ده فيه قصة، في حدودتة بتحصل في حملة بتحصل زي ما حصل مع كهربا وفرملوه، فالدنيا دلوقتي مع تألق إمام عاشور بقت لازم نفرمله، وفي حاجات تانية في الناحية الثانية (الأندية المنافسة) بتعدي ولا فيه أي مشكلة لكن عندنا أحنا في حالة تربص باينة، وقال أيه ييجي يقول لك أمسك شوف إعلام الأهلي بيعمل أيه».
