مفاجأة من العيار الثقيل فى قائمة الاهلى لمباراة مازيمبى
كشف أحمد شوبير الإعلامي بقنوات أون تايم سبورتس، عن مفاجأة منتظرة في قائمة الفريق الأول لكرة القدم بالنادي الأهلي، في مباراته أمام مازيمبي الكونغولي.
ويلتقي المارد الأحمر بنظيره مازيمبي الكونغولي مساء غدًا الجمعة في إياب نصف نهائي دوري أبطال إفريقيا، والمحدد إقامته على ستاد القاهرة الدولي.
وقال شوبير خلال حديثه عبر إذاعة أون سبورت: “الأهلي عنده مشكلة في موضوع حراسة المرمى قبل مباراته أمام مازيمبي”.
وأضاف: “الأهلي دايما بياخد 3 حراس مرمى معاه.. الحراس المسجلين في إفريقيا محمد الشناوي، مصطفى شوبير، حمزة علاء، ومصطفى مخلوف”.
وأكمل: “الشناوي أصيب لعب مصطفى شوبير أدى بشكل جيد.. اللي بيقعد احتياطي في المباريات الإفريقية حمزة علاء لكنه أصيب في العضلة الضامة والتهاب في الحوض فدخل مصطفى مخلوف بشكل اضطراري”.
وواصل: “محمد الشناوي بيتدرب تدريب كامل مع ميشيل يانكون مدرب الحراس لكن مدخلش في تقسيمة أو تمرين تسديد على المرمى، ممكن ده يحصل بعد مباراة مازيمبي”.
وأردف: “الأهلي دايما بيكون عنده 3 حراس لكن ممكن في قايمة النادي الأهلي تلاقي محمود الزنفلي وهو غير مقيد إفريقيًا لأنه في التسخين دايمًا الأهلي بيشرك الـ 3 حراس فممكن الراجل علشان حمزة مصاب يستعين بالزنفلي ده ممكن يحصل”.
واختتم شوبير حديثه: “أو ممكن كابتن محمد الشناوي يبقى موجود في القايمة علشان ينزل في موضوع التسخين أو يبقى موجود احتياطي بما أنها مباراة مهمة ومصطفى مخلوف معندوش الخبرات الإفريقية”.
